Búgin Qarýly kúshter Zymyran áskerleri men artıllerııa kúnin atap ótti

<p>ASTANA. KAZINFORM &ndash; QR Qarýly kúshteriniń Ulttyq áskerı-patrıottyq ortalyǵynda kásibı merekege arnalǵan saltanatty jıyn ótti. Bul týrly QR Qorǵanys mınıstrliginiń baspasóz qyzmeti málim etti.&nbsp;</p>

Іs-sharaǵa Qarýly kúshter túrleri bas basqarmalarynyń, ásker tekteri qolbasshylyǵynyń ókilderi jáne ardagerler qatysty.

Jeke quramdy kásibı merekemen Qorǵanys mınıstriniń birinshi orynbasary – Qarýly kúshter Bas shtabynyń bastyǵy general-leıtenant Sultan Kamaletdınov quttyqtady. Ol ardagerlerdiń osy ásker teginiń qalyptasýy men damýyna qosqan eleýli úlesin atap ótti.

Foto: QR Qorǵanys mınıstrligi

– Qorǵanys mınıstrliginiń basshylyǵy zymyran áskerleri men artıllerııany sońǵy úlgidegi optıkalyq, radıolokatsııalyq jáne áýe barlaý quraldarymen jaraqtandyrý, qolda bar qarý-jaraǵyn jańǵyrtý boıynsha barlyq sharalardy qabyldaýda, jaýyngerlik qoldanýdyń jańa tásilderi men atysty basqarýdyń avtomattandyrylǵan júıeleri engizilýde. Qarýly kúshterdi damytýdyń qazirgi kezeńinde zymyran áskerleri men artıllerııa bólimderi men bólimsheleriniń áskerı qyzmetshileri elimizdiń áskerı qaýipsizdigin nyǵaıtý isine laıyqty úles qosyp keledi, - dedi ol.

Artıllerııalyq bólimsheler udaıy «Birlestik», «Ózara is-qımyl», «Aıbalta» sııaqty halyqaralyq deńgeıdegi jalpy áskerı jattyǵýlarǵa qatysady. Armııa halyqaralyq oıyndarynyń «Artıllerııadan oq atý sheberleri» konkýrsynda qazaqstandyq artıllerıster bes jyl boıy daıyndyq deńgeıiniń joǵary ekenin kórsete otyryp, birinshi oryndy ıelendi.

Foto: QR Qorǵanys mınıstrligi

Artıllerııa – áskerlerdiń kóne qarý túriniń biri, alaıda qazaqstandyq artıllerısterdiń óz merekesi Qorǵanys mınıstriniń dırektıvasymen Zymyran áskerleri men artıllerııa qolbasshysynyń basqarmasy qurylǵan kezde 2000 jyly ǵana paıda boldy. Búgingi tańda Zymyran áskerleri men artıllerııanyń jaýyngerlik qýatynyń negizin taktıkalyq zymyrandardyń quralymdary, gaýbıtsa, zeńbirek, reaktıvti jáne tankke qarsy artıllerııanyń bólimderi, artıllerııalyq barlaý, mına atqyshtar men tankke qarsy bólimsheler quraıdy.

Artıllerııanyń «soǵys qudaıy» atalýy da kezdeısoq emes. Óıtkeni olar eń qýatty jáne alysqa atýshy qarý. Aty ańyzǵa aınalǵan Baýyrjan Momyshuly óziniń «Komandır kúndeliginde» jaıaý áskerdi saqtaýdyń joly osy atys quralynda ekenin jazǵan.

Jaýynger-artıllerıst mamandyǵy tek batyldyq pen isińe adal bolýdy ǵana emes, sonymen qatar atys tapsyrmalaryn oryndaý, nysananyń naqty koordınattaryn anyqtaý jáne artıllerııany baptaý kezinde bólimshelerdi basqarýdyń arnaıy bilimi men daǵdylaryn úırenýdi qajet etedi.

Kásibı merekege arnalǵan saltanatty jıynda birqatar áskerı qyzmetshiler qurmet gramotalarymen marapattaldy. Іs-shara Ulttyq áskerı-patrıottyq ortalyǵynyń shyǵarmashylyq ujymy daıyndaǵan kontsertpen aıaqtaldy.