Búgin Qaraǵandyda áıelder boksynan «Myqtylar týrnıri» bastaldy

<p>ASTANA. KAZINFORM &ndash; Búgin, ıaǵnı 23 qyrkúıek kúni Qaraǵandy qalasynda áıelder boksynan &laquo;Myqtylar týrnıri&raquo; bastaldy. Bul jarys qarashada Iordanııada ótetin Azııa chempıonatyna irikteý bolyp sanalady.</p>

Bul jarystyń taǵy basty ereksheligi – qyzdarymyz birinshi ret bas kıimsiz judyryqtaspaq. Bul ózgeris áıelder boksynda halyqaralyq arenada budan bylaı bas kıim bolmaıtynymen baılanysty. Sonyń ishinde jańa ereje Azııa chempıonatynan bastap engizilmek.

Týrnırde 19-40 jas aralyǵyndaǵy barlyq burymdy boksshylar qatysýǵa kelgen. Olar 12 salmaq dárejesi boıynsha: 48 kg, 50 kg, 52 kg, 54 kg, 57 kg, 60 kg, 63kg, 66 kg, 70 kg, 75 kg, 81 kg, +81 kg ózara myqtylardy anyqtamaq.

Qazaqstan boks federatsııasy atalǵan jarysty barynsha ashyq ótkizý úshin tikeleı kórsetilim, tolyqqandy aqparat taratý jáne taza tórelik turǵysynan qamtamasyz etpek.

Búgin jarsytyń resmı ashylý saltanaty 15:00-de bastalady. Al alǵashqy irikteý saıystary 15:30-dan 19:00 aralyǵynda bolady.

Jartylaı fınaldyq kezeńder 26 qyrkúıekke, al fınaldyq jekpe-jekter 27 qyrkúıekke josparlanǵan.