Búgin - Halyqaralyq qar barysy kúni

<p>ASTANA. KAZINFORM - Ótken ǵasyrdyń sońynda 100-ge jeter-jetpes qana qalǵan jyrtqyshtyń sany búginde elimizde 200-ge jetti.</p>

Qyzyl kitapqa engen ańdy qorǵap, kóbeıýine jaǵdaı jasaý úshin Qazaqstan men Qyrǵyzstan birlesip jumys isteıdi. Tıisti memorandýmǵa jaqynda ǵana qol qoıyldy.

Mamandardyń aıtýynsha, keıingi 10 jylda barys sany aıtarlyqtaı artqan. Búginde Ulttyq saıabaqtar men qoryqtarda 300-ge jýyq fototuzaq ornatylǵan. 11 jyrtqyshqa GPS-i bar spýtnıktik qarǵybaý taǵylǵan. Bul shara jyrtqyshtardyń popýlıatsııasyn úzdiksiz qadaǵalaýǵa múmkindik beredi. 

«Jalpy, bul kún ataýly datalar tizimine 11 jyl buryn qosyldy. 2013 jyly 23-shi qazanda Qar barysyn saqtaý jónindegi Bishkek deklaratsııasy qabyldandy. Qujatqa 12 eldiń ókilderi qol qoıd», — deıdi BUU-nyń Qazaqstandaǵy Damý Baǵdarlamasynyń janýarlar dúnıesin basqarý jónindegi sarapshysy Aıman Omarbekova.

Aıta keteıik, Qyrǵyzstanda qar barysyn óltirgenderge salynatyn aıyppul 2 mıllıon somǵa deıin ósti.