Búgin fýtzaldan Qazaqstan chempıonaty jalaýyn kóteredi

<p>ASTANA. KAZINFORM - Búgin, 12 qazanda fýtzaldan Qazaqstan chempıonaty jalaýyn kóteredi. Oǵan barlyǵy 11 komanda qatysady.</p>

Jańa maýsymda ««»Astana», «Atyraý», «Aıat» (Rýdnyı), «Baıterek» (Oral), «Jetisý» (Taldyqorǵan), «Qaırat» (Almaty), «Kaspıı» (Aqtaý), «Aqtóbe», «Ordabasy» (Shymkent), «Semeı», «Tulpar» (Qaraǵandy) komandalary oınaıdy.

Alǵashqy týrda 12 qazanda «Atyraý» men «Ordabasy», «Aıat» pen «Kaspıı», «Jetisý» men «Baıterek», 17 qazanda «Tulpar» men «Qaırat», «Aqtóbe» men «Astana» sheberlik baıqasady. 

Alǵashqy týr Ózbekstanda ótken álev chempıonatyna baılanysty jyldaǵy merziminen kesh bastalǵaly otyr.

Erejege sáıkes pleı-off satysyna 8 komanda joldama alady. Shırek fınal bir komandanyń eki jeńisine deıin jalǵasady. Jartylaı fınalda ol úsh jeńiske deıin belgilengen. Al, 3-oryn úshin komandalar eki jeńiske deıin básekege tússe, fınalda jeńimpaz úsh jeńis boıynsha anyqtalady.

Eske salsaq, budan buryn «Qaırat» fýtzaldan 2024 jylǵy Qazaqstan sýperkýbogynyń ıegeri atandy.

Sýperkýbokta almatylyq «Qaırat» Abaı oblysynyń «Semeı» klýbyn 3:1 esebimen tize búktirdi. Almatylyq klýb sapynan Alısson Neves 2 gol soqsa, Kaıo Rýız 1 márte kózge tústi. Oǵan «Semeı» sapynan Kaıo Torres bir golmen jaýap qaıyrdy.