Búgin fýtzaldan álem chempıonatynyń jerebesi tartylady

<p>ASTANA. KAZINFORM - Búgin fýtzaldan álem chempıonaty fınaldyq satysy toptyq kezeńiniń jerebesi tartylady. Dúbirli doda bıyl Ózbekstanda ótedi.</p>

Jerebe tartý rásiminiń aldynda Qazaqstan quramasy 2-sebetke ornalasqan. Sebetter FIFA reıtıngi boıynsha jasaqtalǵan. Erejege sáıkes Qazaqstan quramasy toptyq kezeńde Marokko, Taıland, Frantsııa, Ýkraına jáne Paragvaı quramalarymen kezdespeıdi. 

Al, birinshi sebette Ózbekstan, Brazılııa, Ispanııa, Argentına, Portýgalııa, Iran bolsa, úshinshi sebette Kosta Rıka, Gvatemala, Venesýela, Kýba, Jańa Zelandııa, Lıvııa, tórtinshi sebette Tájikstan, Angola, Horvatııa, Frantsııa, Nıderland jáne Aýǵanstan bar.

Jerebe tartý rásimi 26 mamyrda Samarqan qalasynda ótedi. Saltanatty rásim Qazaqstan ýaqytymen 21:00-de «Qazsport»telearnasynan jáne FIFA resmı saıtynan tikeleı kórsetiledi.

Álem chempıonaty 14 qyrkúıek-6 qazan aralyǵynda Tashkent, Buhara jáne Ándijan qalalarynda bolady. Qazaqstan quramasy álem chempıonatynyń fınaldyq satysynda 2000, 2016, 2021 jyldarda synǵa túsip, 2021 jyly 4-orynǵa taban tiredi.

Aıta ketsek, FIFA-nyń alǵashqy reıtıngisinde Qazaqstan fýtzal quramasy 4-orynǵa jaıǵasty.