Búgin fýtboldan UEFA Ulttar lıgasynyń jerebe tartý rásimi ótedi

<p>ASTANA. KAZINFORM - Búgin, 8 aqpan kúni Frantsııa astanasy Parıj qalasynda fýtboldan 2024/25 jylǵy UEFA Ulttar lıgasynyń jerebe tartý rásimi ótedi.&nbsp;</p>

Ulttar lıgasynyń jańa maýsymy qyrkúıekte bastalady. Qazaqstandyq fýtbolshylar V lıgasynda óner kórsetedi.

Jerebe Astana ýaqytymen saǵat 23:00-de bastalady. Jerebe tartý rásimin tikeleı efırde «Qazsport» telearnasy kórsetedi. El quramasy tórtinshi sebetke ornalastyryldy. Bul sebette Grýzııa, Túrkııa, Lıýksembýrg quramalary bar.

Ózge sebetterde quramalardyń ornalasýy tómendegishe:

1-sebet: Aýstrııa, Chehııa, Anglııa, Ýels

2-sebet: Fınlıandııa, Ýkraına, Islandııa, Norvegııa

3-sebet: Slovenııa, Irlandııa, Albanııa, Chernogorııa.

Eske salsaq, Qazaqstannyń 17 jasqa deıingi jasóspirimder quramasy 18-24 aqpan aralyǵynda Belarýs astanasy Mınski qalasynda ótetin «Damý Kýbogy» halyqaralyq týrnırine qatysady.

Jasóspirimder quramasynyń oqý-jattyǵý jıyny 10 aqpanda Talǵardaǵy QFF bazasynda ótedi. Quramaǵa qazaqstandyq maman Baýyrjan Saǵyndyq jetekshilik etedi.