Búgin fýtboldan Qazaqstan quramasy syrt alańda Fınlıandııamen kezdesedi

<p>Fýtboldan 2024 jylǵy Eýropa chempıonatyna irikteý satysynda Qazaqstan quramasy segizinshi oıynyn Fınlıandııaǵa qarsy ótkizedi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Fınlıandııa men Qazaqstan kezdesýi 17 qazanda elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Kezdesýde bosnııalyq tóreshiler brıgadasy qyzmet atqarady.

Bas tóreshi – Irfan Pelto, oǵan Senad Ibrısımbegovıch pen Davor Beljo kómekshilik jasaıdy. Tórtinshi tóreshi – Mılosh Gıgovıch.

Eki komanda buǵan deıin resmı oıyndarda bes márte kezdesken. Barlyǵynda fınlndııalyq fýtbolshylar jeńiske jetti.

Sondaı-aq atalǵan týrda Soltústik Irlandııa men Slovenııa, San-Marıno men Danııa quramalary kezdesedi.

Jeti týrdan keıin H tobynda 16 upaımen Slovenııa men Danııa kósh basynda tursa, odan keıingi oryndaǵy Fınlıandııa men Qazaqstannyń 12 upaıy bar.

Eske salsaq, budan buryn el quramasy jeti kezdesý ótkizdi. El quramasy óz alańynda Slovenııadan – 1:2, Fınlıandııadan – 0:1, syrt alańda Danııadan 1:3 esebimen jeńilse, Danııany (3:2), San-Marınony (3:0), Soltústik Irlandııa (eki márte – 1:0, 1:0) qapy qaldyrdy.