Búgin fýtboldan Qazaqstan kýbogynyń fınaly ótedi

<p>Búgin elordada fýtboldan Qazaqstan kýbogynyń fınaly ótedi, dep habarlaıdy <a href="Kazinform" target="_blank" rel="noopener">Kazinform</a>.</p>

Kezdesý elorda ýaqytymen 16.00-de Astana qalasyndaǵy «Astana-arena» stadıonynda ótkiziledi.

Fınalda Shymkenttiń «Ordabasy» jáne Qostanaıdyń «Tobyl» komandalary sheberlik baıqasady.

Oıyn «Qazsport» telearnasynan tikeleı efırde kórsetiledi.

Bıyl shymkenttik klýb el chempıony atansa, qostanaılyq komanda segizinshi oryndy mise tutty.

Fınalǵa deıin «Ordabasy» Túrkistan oblysynyń «Maqtaralyn» (1:2, 4:1), Petropavldyń «Qyzyljaryn» (2:0, 0:1), elordalyq «Astanany» (0:1, 2:0) orta jolda qaldyryp ketti.
Al «Tobyl» Pavlodar oblysynyń «Aqsý» (1:2, 2:0), Qaraǵandynyń «Shahter» (0:1, 2:0), «Atyraý» (1:0, 1:0) komandalaryn jeńdi.

Aıta ketsek, Qazaqstan kýbogy 1992 jyldan beri turaqty túrde ótkizilip keledi. Búginge deıin «Qaırat» 9 márte kýbokty tóbesine kóterdi.

Al «Jeńis» (Astana) men «Astana» - 3, «Qaısar» (Qyzylorda) men «Ordabasy» (Shymkent) - 2, «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Aqtóbe», «Almaty», «Tobyl» (Qostanaı), «Dostyq» (Almaty), «Elimaı» (Semeı) - 1 márteden kýbok ıegeri atandy.