ASTANA. KAZINFORM — Búgin fýtboldan Qazaqstan Premer-lıgasynyń qorytyndy HHVІ týry bastalady.
Bul týrdaǵy oıyndardyń barlyǵy saǵat 14:00-ge belgilengen.
Bas júlde taǵdyry «Qaırat» pen «Astana» arasynda sheshiledi. Atalǵan týrda «Qaırat» syrt alańda «Atyraýmen» kezdesse, «Astana» Almatyda «Jetisýdy» qabyldaıdy.
Sondaı-aq qola júldege «Aqtóbe», «Tobyl» jáne «Ordabasy» komandalarynyń biri qol jetkizýi múmkin.
«Aqtóbe» óz alańynda «Turandy», «Ordabasy» «Elimaıdy» qabyldasa, «Tobyl» syrt alańda «Qaısarmen» oınaıdy.
Taǵy bir kezdesýde «Qyzyljar» men «Jeńis» sheberlik baıqasady.
Eske salsaq, ótken týrda «Qaırat» «Ordabasyny» jeńse, «Astana» «Tobylǵa» ese jiberdi.
Sondaı-aq osy aptada Qazaqstan fýtbol federatsııasynyń prezıdenti Ádilet Barmenqulov qyzmetinen ketti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.