Búgin fýtboldan Qazaqstan chempıonatynyń ekinshi týry bastalady

<p>ASTANA. KAZINFORM - Búgin, 5 naýryzda fýtboldan Qazaqstan Premer-lıgasynyń ekinshi týry bastalady.</p>

Ekinshi týr 5, 6 jáne 7 naýryz kúnderine belgilengen.

Alǵashqy oıyn 17:00-de taldyqorǵandyq «Jetisý» men elordalyq «Astana» arasynda ótedi. Birinshi týrda elordalyq ujym «Jeńis» komandasyn 2:0 esebimen jeńgen bolatyn. 

6 naýryz kúni 14.30-da «Qaısar» (Qyzylorda) men «Qyzyljar» (Petropavl), 17.00-de «Atyraý» men «Ordabasy» (Shymkent), 19.30-da «Tobyl» (Qostanaı) men «Elimaı» (Semeı) jasyl alańǵa shyǵady. 

Al, 7 naýryz kúni 14.30-da «Jeńis» (Astana) pen «Shahter» (Qaraǵandy), 17.00-de «Turan» (Túrkistan) men «Qaırat» (Almaty) sheberlik baıqasady. 

Oıyndardy «Qazsport», «Qsport» jáne jańa «Qfootball» telearnalary tikeleı efırde kórsetedi.