Búgin fýtboldan Eýropa chempıonaty irikteý satysynyń kezekti týry bastalady

<p>Búgin fýtboldan 2024 jylǵy Eýropa chempıonaty irikteý satysyndaǵy kezekti týr oıyndary bastalady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

12 qazanda A, D, E, I toptarynda oıyndar ótkiziledi.

Qyzyq kezdesýdiń biri A tobyndaǵy Ispanııa men Shotlandııa quramalary arasynda bolady dep kútilip otyr. 

Eki qurama A tobynda kósh basynda tur. Ázirge 15 upaımen Shotlandııa birinshi orynda tursa, Ispanııa 9 upaımen ekinshi orynǵa jaıǵasqan.

Atalǵan oıyn 12 qazannan 13-ne qaraǵan túni saǵat 00.35-te «Qazaqstan» telearnasynan tikeleı efırde kórsetiledi.

Sondaı-aq, bul topta Kıpr men Norvegııa kezdesýi bolady.

Al D tobynda Horvatııa men Túrkııa ( «Qazsport». 00:35), Latvııa men Armenııa, E tobynda Farer araldary men Polsha, Albanııa men Chehııa sheberlik baıqasady.

Sondaı-aq, I tobynda Andorra men Kosovo, Belarýs pen Rýmynııa, Izraıl men Shveıtsarııa oınaıdy.

Aıta ketsek, 14 qazannan 15-ne qaraǵan túni elorda ýaqytymen 00:35-de Qazaqstan quramasynyń Danııaǵa qarsy kezdesýi «Qazaqstan» jáne «Qazsport» telearnalarynan tikeleı efırde kórsetiledi.