Búgin fýtboldan el birinshiligi qaıta jalǵasady

<p>ASTANA. KAZINFORM — Búgin, 30 naýryzda fýtboldan Qazaqstan Premer-lıgasynyń úshinshi týry bastalayp, dop dodasy qaıta jalǵasady.</p>

El quramasynyń Ulttar lıgasy pleı-off satysyndaǵy oıyndaryna baılanysty birinshilikte azdaǵan úzilis boldy.

Úsh aptadan astam ýaqyttan keıin ol qaıta jalǵasady.

Búgin, 30 naýryzda úshinshi týrdyń eki oıyny ótkiziledi.

Aldymen 14:00–de «Shahter» (Qaraǵandy) men «Turan» (Túrkistan) komandalary kezdesse, 16:30–de «Atyraý» men «Jetisý» (Taldyqorǵan) sheberlik baıqasady. 

Al 31 naýryzda 14:00–de «Kyzyljar» (Petropavl) men «Tobyl» (Qostanaı), «Aqtóbe» men «Jeńis» (Astana) oınasa, 16:30–de «Astana» men «Elimaı» (Semeı) jasyl alańǵa shyǵady.

Atalǵan týrdy 19:00–de «Ordabasy» (Shymkent) men «Qaırat» (Almaty) túıindeıdi.

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynda tamashalaýǵa bolady. 

Aıta ketsek, alǵashqy eki týrdan keıin 6 upaımen «Tobyl» men «Astana» kósh basynda keledi.

Odan keıingi orynda «Ordabasy» 4 upaımen tur.