Búgin fýtboldan el birinshiliginiń jetinshi týry bastalady

<p>ASTANA. KAZINFORM - Búgin, 4 mamyrda fýtboldan Qazaqstan Premer-lıgasynyń jetinshi týry bastalady.</p>

Búgin, 4 mamyrda jetinshi týrdyń bes oıyny ótkiziledi.

Aldymen 14:00–de «Qyzyljar» (Petropavl) men «Turan» (Túrkistan), «Jeńis» (Astana) men «Elimaı» (Semeı) sheberlik baıqasady. 

Al 16:30-da «Qaırat» (Almaty) men «Atyraý», «Tobyl» (Qostanaı) men «Jetisý» (Taldyqorǵan) oınasa, 19.00-de «Aqtóbe» men «Astana» jasyl alańǵa shyǵady.

Atalǵan týrdy 5 mamyrda 19:00-de «Shahter» (Qaraǵandy) men «Qaısar» (Qyzylorda) túıindeıdi.

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynda tamashalaýǵa bolady. 

Aıta ketsek, alty týrdan keıin 10 upaımen «Aqtóbe», «Astana» men «Jetisý» kósh basynda keledi.

Eske salsaq, budan buryn fýtboldan birinshi lıgada «Kaspıı» tórt oıynnyń barlyǵynda jeńiske jetti.