Búgin fýtboldan el birinshiliginiń on úshinshi týry bastalady

<p>ASTANA. KAZINFORM &mdash; Búgin, 29 maýsymda fýtboldan Qazaqstan Premer-lıgasynyń HІІІ týry bastalady.</p>

Atalǵan týr oıyndary 29 jáne 30 maýsym kúnderine belgilengen.

Búgin, 29 maýsymda úsh oıyn ótedi. Aldymen 18:00–de «Qyzyljar» (Petropavl) men «Shahter» (Qaraǵandy) jasyl alańǵa shyǵady.

Odan keıin 20:00–de «Ordabasy» (Shymkent) men «Qaısar» (Qyzylorda), «Astana» men «Qaırat» (Almaty) kezdesedi.

Al 29 maýsymda 18:00–de «Elimaı» (Semeı) men «Jetisý» (Taldyqorǵan) sheberlik baıqasady.

Saǵat 20:00–de «Aqtóbe» men «Tobyl» (Qostanaı), «Turan» (Túrkistan) men «Atyraý» oınaıdy.

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynan tamashalaýǵa bolady.

Aıta ketsek, on eki týrdan keıin 22 upaımen «Ordabasy», «Aqtóbe» kósh basynda kele jatsa, «Qaırat» pen «Elimaı» 18 upaımen úshinshi jáne tórtinshi oryndardy ózara bólisip tur.

Eske salsaq, budan buryn fýtboldan birinshi lıgada «Jetisaı» «Altaımen» teń tústi.