ASTANA. KAZINFORM - Búgin, 22 mamyrda fýtboldan birinshi lıga komandalary arasyndaǵy Qazaqstan chempıonatynyń 7-týr oıyndary bastalady.
Atalǵan týr oıyndary 22-23 mamyr kúnderine belgilengen.
Búgin, 22 mamyrda «SD Family» (Astana) men «Kaspıı» (Aqtaý), «Ertis» (Pavlodar) pen «Akademııa Ońtústik» (Shymkent), «Qaırat-2» (Almaty) men «Shahter» (Qaraǵandy) oınaıdy.
Al 23 mamyrda «Aqtóbe-2» (Almaty) men AKAS (Almaty), «Ekibastuz» (Pavlodar oblysy) ben «Jetisaı» (Túrkistan oblysy), «Túrkistan» men «Altaı» (Óskemen), «Han táńiri» (Almaty) men «Taraz» oınaıdy.
Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.
Alty týrdan keıin «Kaspıı», «Shahter», «Ertis» komandalary alǵashqy úsh oryndy ózara bólisip tur.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.