Búgin Eýropa chempıonatynda qaı quramalar oınaıdy

<p>ASTANA. KAZINFORM - Fýtboldan 2024 jylǵy Eýropa chempıonatynyń ekinshi oıyn kúni, 15 maýsymda úsh oıyn ótkiziledi.</p>

Aldymen 18:00-de A tobynda. Vengrııa men Shveıtsarııa oınaıdy.

Kezdesý «Qazsport» telearnasynan tikeleı efırde kórsetiledi.

Eki qurama qazirge deıin 46 márte kezdesken, onyń 30-y vengrııalyq quramanyń basymdyǵymen aıaqtalsa, 5-i teń aıaqtalyp, qalǵanynda shveıtsarııalyq fýtbolshylar jeńiske jetti.

Qurlyqtyq dodada Vengrııa besinshi márte baq synap otyrsa, Shveıtsarııa altynshy márte qatysýda.

Odan keıingi Ispanııa men Horvatııa oıyny 22:00-ge belgilengen. Kezdesýdi jankúıerler «Qazaqstan» jáne «Qazsport» telearnalary arqyly tikeleı efırde tamashalaı alady.

Qazirge deıin eki qurama 10 márte sheberlik baıqasty. Olardyń 5-i ıspanııalyq quramanyń jeńisimen aıaqtalsa, 2-de teń nátıje tirkelip, qalǵanynda Horvatııanyń mereıi ústem boldy.

Ispanııa bıyl qurlyqtyq doda fınaldyq satysynda onynshy márte oınap jatsa, Horvatııa jetinshi márte keldi.

Búgingi oıyndardy saǵat 23:55-te Italııa men Horvatııa kezdesýi túıindeıdi. Oıyn «Qazsport» telearnasynan tikeleı efırde kórsetiledi.

Eki qurama arasyndaǵy buǵan deıingi 4 kezdesýdiń barlyǵynda ıtalııalyq fýtbolshylar jeńiske jetti.

Eske salsaq, 14 maýsymda A tobyndaǵy Germanııa quramasy alǵashqy kezdesýinde Shotlandııany 5:1 esebimen jeńdi.

Aıta ketsek, budan buryn fýtboldan Eýropa chempıonatynyń oıyn kestesi jarııalandy.