Búgin Eýropa chempıonatynda qaı quramalar oınaıdy
Eń aldymen 18:00–de E tobynda Slovakııa men Ýkraına oınaıdy.
Kezdesý Dıýsseldorf qalasyndaǵy «Merkýr Shpıl-Arena» stadıonynda bolady.
Eki qurama buǵan deıin segiz márte kezdesti. Ýkraına úsh, Slovakııa eki márte jeńiske jetse, qalǵany teń nátıjemen aıaqtaldy.
Bul toptaǵy Rýmynııa men Belgııa kezdesýi 22 maýsymda ótkiziledi.
Sondaı-aq D tobyndaǵy Polsha men Avstrııa kezdesýi 22.00-ge belgilengen.
Qazirge deıin quramalar on bir oıynda kezdesip, beseýinde Polsha, tórteýinde Avstrııa basym tússe, qalǵanynda teń nátıje tirkeldi.
Kezdesý Berlın qalasyndaǵy «Olımpıashtadıon» stadıonynda bolady.
Atalǵan toptaǵy Nıderland jáne Frantsııa kezdesýi 00.00-ge belgilengen.
Quramalar qazirge deıin otyz eki márte kezdesip, on biri Nıderland, on jetisi Frantsııanyń basymdyǵymen aıaqtalsa, qalǵanynda teń nátıjege qanaǵat bildirdi.
Oıyn Leıptsıg qalasyndaǵy «Red Býll-Arena — Tsentralshtadıon» stadıonynda ótedi.
Alǵashqy týrda Frantsııa Avstrııany 1:0, Nıderland Polshany 2:1 esebimen tize búktirdi.
Kósh basynda úsh upaımen Frantsııa men Nıderland keledi. Al Polsha men Avstrııanyń enshisinde upaı joq.
Oıyndardyń bári Qazsport telearnasynan tikeleı efırde kórsetiledi.
Eske salsaq, 20 maýsymda V tobynda Ispanııa Italııany 1:0, esebimen jeńse, S tobynda Slovenııa men Serbııa, Anglııa men Danııa 1:1 esebimen teń tústi.