Búgin elordada shaıbaly hokkeıden Qazaqstan Hockey Open týrnıri bastalady

<p>ASTANA. KAZINFORM - Búgin Astanada shaıbaly hokkeıden Qazaqstan Hockey Open týrnıri jalaýyn kóteredi. Oǵan Qazaqstan, Reseı jáne Belarýs quramalary qatysady.&nbsp;</p>

El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn. Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan. 

Halyqaralyq týrnır 2-4 mamyr aralyǵynda ótkiziledi. Qazaqstandyq hokkeıshiler 2 mamyrda Reseı, 3 mamyrda Belarýs quramalarymen kezdesedi. 

Al, álem chempıonaty 10-26 mamyr aralyǵynda Chehııanyń Praga jáne Ostrava qalalarynda ótedi. Toptyq kezeńde ulttyq qurama AQSh, Germanııa, Shvetsııa, Slovakııa, Latvııa, Frantsııa jáne Polshamen synǵa túsedi.

Byltyr qazaqstandyq hokkeıshiler elıtalyq dıvızıondaǵy ornyn saqtap qaldy.

Sondaı-aq búgin shaıbaly hokkeıden 18 jasqa deıingi jasóspirimder arasyndaǵy álem chempıonaty elıtalyq dıvızıonyndaǵy ornyn saqtap qalý úshin Qazaqstan quramasy jubanysh oıynynda Norvegııamen kezdesedi.