Búgin elordada shaıbaly hokkeıden Prezıdent kýbogy bastalady

<p>ASTANA. KAZINFORM &ndash; Búgin shaıbaly hokkeıden 2024 jylǵy Qazaqstan Prezıdenti kýbogy bastalady. Halyqaralyq týrnır 14-18 tamyz aralyǵynda elordada ótedi.&nbsp;</p>

Týrnırge qatysýshylar qatarynda «Barystan» basqa reseılik «Amýr» (Habarovsk), «Lada» (Tolıattı) komandalary bar. Sondaı-aq oǵan aldaǵy olımpıadalyq irikteýdiń fınaldyq kezeńine daıyndalatyn Qazaqstan quramasy qatysady.

Jarysqa qatysýshylar aldymen aınalmaly júıede sheberlik baıqasady. Sodan keıin qorytyndy oryndardy anyqtaý úshin sheshýshi oıyndar bolady.

Búgin, 14 tamyzda «Lada» - Qazaqstan olımpıadalyq quramasy, «Barys» pen «Amýr», 15 tamyzda «Amýr» men «Lada», Qazaqstan olımpıadalyq quramasy men «Barys» kezdesedi.

Al 17 tamyzda Qazaqstan quramasy men «Amýr». «Barys» - «Lada» oınasa. 18 tamyzda 3-oryn úshin oıyn men fınal ótedi.

Elordalyq klýb budan keıin 20-25 tamyz aralyǵynda Reseıdiń Omby qalasynda ótetin «Blınov Kýbogy» maýsymaldy týrnırinde baq synaıdy. Olar Reseıdiń «Lokomotıv» (ıAroslavl), «Sıbır» (Novosibir), «Traktor» (Chelıabi) jáne «Avangard» (Omby) ujymdaryna qarsy oınaıdy.
26 tamyz - 2 qyrkúıek aralyǵynda Astanada «Barystyń» Qurlyqtyq hokkeı lıgasy 2024/25 jyldar maýsymy aldyndaǵy daıyndyǵynyń qorytyndy kezeńi ótedi.

Al el quramasy fınaldyq olımpıadalyq irikteý oıyndarynda Slovakııanyń Bratıslava qalasynda 29 tamyz-1 qyrkúıek aralyǵynda Avstrııa, Vengrııa jáne Slovakııa quramalarymen kezdesedi.