Búgin elimizdiń basym bóliginde jańbyr jaýady
10:45, 10 Sáýir 2024
<p>ASTANA. KAZINFORM – «Qazgıdromet» RMK baspasóz hatshysy Alına Ismaǵulova 10 sáýirdegi aýa raıy jaǵdaıyna qatysty málimetterdi jarııalady.</p>
«Qazaqstan aýmaǵynyń basym bóliginde qubylmaly aýa raıy saqtalady, jańbyr jaýady. Respýblıkamyzdyń soltústik-batysynda, soltústiginde, shyǵysynda, ońtústik-shyǵystyń taýly aýdandarynda túngi kezde jańbyr men qar, al kúndiz nóser jaýady», - dedi A. Ismaǵulova Ortalyq kommýnıkatsııalar qyzmetindegi brıfıngide.
Onyń sózine qaraǵanda, elimizdiń ońtústik-batysynda, ońtústiginde kún jaýyn-shashynsyz bolady.
Qazgıdromet málimetinshe, respýblıka boıynsha tuman túsip, jel kúsheıedi. Eldiń batysynda, ońtústik-shyǵysta naızaǵaı oınaıdy.