Búgin elimizdiń basym bóliginde kún kúrkirep, jańbyr jaýady

<p>ASTANA. KAZINFORM &ndash; Tsıklon yqpal etip, atmosferalyq frontaldy bólikterdiń ótýine baılanysty 3 shildede elimizdiń basym bóliginde kún kúrkirep, burshaq jaýady. Respýblıkanyń soltústiginde, shyǵysynda jáne ortalyǵynda nóser jańbyr jaýady.</p>

«Qazgıdromet» RMK málimetinshe, tek elimizdiń ońtústigi men ońtústik-batysynda jaýyn-shashynsyz aýa raıy saqtalady. Respýblıka boıynsha jel kúsheıedi. Túnde jáne tańerteń soltústik jáne soltústik-batysta tuman túsedi.

Almaty oblysynda, Pavlodar oblysynyń ortalyǵynda, ońtústiginde, shyǵysynda, Ulytaý oblysynyń ortalyǵynda, soltústik-batysynda, Abaı oblysynyń ortalyǵynda, Shyǵys Qazaqstannyń soltústik-batysynda, batysynda, Atyraý oblysynyń batysynda, shyǵysynda, Batys Qazaqstan oblysynyń soltústiginde órt qaýpi joǵary bolady.

Túrkistan, Qyzylorda, Jambyl, Almaty oblystarynda, Jetisý, Ulytaý oblystarynda, Qostanaıdyń ońtústiginde, Shyǵys Qazaqstan oblystarynda jáne Abaı oblysynda, Atyraýdyń ońtústik-shyǵysynda, Mańǵystaýdyń batysynda, Qaraǵandy ​​oblysynda tótenshe órt qaýpi saqtalady.

Batys Qazaqstan jáne Atyraý oblystarynda aptap ystyq bolady.