Búgin elimizdiń 11 qalasynda aýa lastanady

<p>ASTANA. KAZINFORM &ndash; Búgin Qazaqstannyń 11 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy Qazgıdromet.</p>

«2024 jylǵy 25 jeltoqsanda Astana, Almaty, Shymkent, Aqtaý, Aqtóbe, Atyraý, Pavlodar, Óskemen, Semeı, Rıdder qalalarynda, túnde Qostanaı qalasynda aýanyń lastanýynyń qolaısyz meteorologııalyq jaǵdaılary kútiledi», - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.