Búgin elimizdiń 10 qalasynda aýa sapasy nasharlaıdy

<p>ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.  </p>

— 2025 jylǵy 6 qańtarda aýanyń lastanýynyń qolaısyz meteorologııalyq jaǵdaılary Pavlodar, Qaraǵandy, Jezqazǵan, Balqash, Temirtaý, Óskemen, Semeı, Rıdder, Atyraý, Almaty qalalarynda kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, buǵan deıin Óskemende aýa sapasynyń buzylyp turǵanyna úshinshi kún bolǵanyn jazǵan edik.