Búgin elimiz boıynsha tuman túsip, jel kúsheıedi, kóktaıǵaq bolady - Qazgıdromet

<p><a href="https://www.kazhydromet.kz/weather/prognoz-sinopticheskoy-situacii-i-opasnyh-yavleniy-pogody-po-territorii-kazahstana" target="_blank" rel="noopener">&laquo;Qazgıdromet&raquo;</a> RMK-sy qarashanyń 20-sy kúngi kún raıy boljamyn jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Kásiporyn taratqan derekterge qaraǵanda, Qazaqstan Respýblıkasynyń basym bóligi soltústik-batys antıtsıklonynyń yqpalynda bolady, kún jaýyn-shashynsyz bolady dep kútilýde.

Tek respýblıkanyń batysynda, qıyr shyǵysynda, ońtústik-shyǵysy men ońtústiginiń taýly aýdandarynda tsıklon jáne onymen baılanysty atmosferalyq aǵyndardyń áserinen jaýyn-shashyn (jańbyr, qar), respýblıkanyń ońtústik-shyǵysynda keı ýaqytta túnde qatty jaýyn-shashyn bolady.

Qazaqstan Respýblıkasy boıynsha tuman túsip, jel kúsheıedi, batys jáne soltústik-batysta jeldiń ekpini 23-28 m/s-ke kúsheıip, kóktaıǵaq bolady.