Búgin eki qalada aýa sapasy nasharlaıdy
08:16, 30 Sáýir 2024
<p>ASTANA. KAZINFORM — 30 sáýir kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady.</p>
«Qazgıdromet» RMK baspasóz qyzmeti taratqan málimetke sensek, 30 sáýir, seısenbi kúni elimizdegi qalalardyń basym kópshiliginde meteorologııalyq ahýal birqalypty bolady.
Aýanyń lastanýynyń qolaısyz meteorologııalyq jaǵdaılary Almaty, Atyraý qalalarynda kútiledi.
Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.