Búgin Brıýsselde «Dos-Muqasan» fılmi kórsetiledi

<p><span style="font-family: sans-serif; font-size: 18px;">Búgin, 26 qyrkúıek kúni Brıýsseldiń Cinema Palace kınoteatrynda &laquo;Dos-Muqasan&raquo; fılmi kórsetiledi, dep habarlaıdy <a href="https://kaz.inform.kz/" target="_blank" rel="noopener">QazAqparat tilshisi.</a></span></p>

«Fılm memleket qoldaýymen túsirilip, 2022 jyly kınoprokatqa shyqty. Búginde kartına onlaın platformalarda ornalasqan. Brıýsseldegi kórsetilimdi Qazaqstannyń Belgııadaǵy Elshiligi uıymdastyryp otyr», – dedi Mádenıet jáne aqparat mınıstrliginen agenttik tilshisine.

Aıta keteıik, fılmdi Efrat Sháripovtiń stsenarııi boıynsha «Aray Media Group» stýdııasy túsirgen. Prodıýseri – Aıgúl Baıbek, al mýzykalyq dramanyń rejısseri – Aıdyn Sahaman.

Kınojobaǵa QR Mádenıet jáne sport mınıstrligi men Ulttyq kınematografııany qoldaý memlekettik ortalyǵy qoldaý bildirgen.

Akterlik quram portrettik uqsastyq boıynsha tańdalǵan. Basty rólderdi akter Meıirǵat Amangeldın, Maqsat Sábıtov, Eldos Shaıkenov, Saıat Maqulbaev, Aıǵanym Saǵynbaeva, Nıkıta Pogodaev, Nurǵısa Qýanyshbaıuly jáne Ábilmansur Serikov somdady.Tanymal blogerler men vaınerler Artýr Asqaruly men Zýhra Saıpı de debıýttik rolin oınap shyqty.

«Dos-Muqasan» fılminiń jabyq kórsetilimi ótken jyldyń 27 qyrkúıeginde ótti. Al eki kúnnen keıin Qazaqstannyń barlyq kınoteatrlaryna prokatqa shyqty.

"Dos-Muqasan" —1967 jyly qurylǵan estradaly vokaldy aspaptar ansambli. Negizin qalaǵan – Dosym Súleev, Murat Qusaıynov, Qamıt Sanbaev, Aleksandr Lıtvınov. Toptyń ataýy da osy ánshilerdiń esiminen quralǵan. Ár jyldary ansambl quramynda Baqytjan Jumadilov, Meıirbek Moldabekov, Shárip Omarov, Qurmanaı Omarova, Nurtas Qusaıynov, Aqjol Meıirbekov jáne taǵy basqalary boldy.

Foto: ashyq derekkózden