Búgin - Bıbigúl Tólegenovanyń týǵan kúni

<p>ASTANA. KAZINFORM -&nbsp;Búgin qazaqtyń bulbul daýysty ánshisi, álemdi ónerimen tánti etken Bıbigúl Ahmetqyzy Tólegenovanyń týǵan kúni, dep habarlaıdy QR mádenıet jáne aqparat mınıstrliginiń baspasóz qyzmeti.</p>

Bıbigúl Tólegenova – qazaq mádenıetiniń shoqtyǵy bıik tulǵalarynyń biri. Árbir áni – ulttyq rýhtyń, saf ónerdiń úlgisi.

Ol 1958 jyly Búkilodaqtyq estrada ártisteri baıqaýynyń laýreaty atandy. 1967 jyly KSRO halyq ártisi ataǵyn, 1970 jyly KSRO Memlekettik syılyǵyn, 1991 jyly Sotsıalıstik Eńbek Eri ataǵyn ıelendi.

Bıbigúl Tólegenova Úndistan, Mysyr, Frantsııa, Italııa sekildi elderdiń sahnalarynda óner kórsetip, qazaq óneriniń mártebesin asqaqtatty.

 - Ulttyq ónerdi álemdik deńgeıge kótergen ańyz ánshiniń 95 jyldyq mereıtoıy qutty bolsyn! – dep jazdy mınıstrliktiń baspasóz qyzmeti.

Osyǵan deıin Astanada Bıbigúl Tólegenovanyń 95 jasqa tolýyna oraı saltanatty kontsert ótkenin habarladyq.