Búgin Aıda erekshe qubylys bolady

<p>Búgin, 29 qyrkúıekte Aı tolady. Bul bıylǵy tórtinshi ári sońǵy qubylys bolmaq, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«Sýper Aı» qubylysy – Aıdyń tolýy nemese Aıdyń jańarýy perıgeı núktesine jetken kezde, Aı men Jer bir-birine barynsha jaqyn kelgende bolady. Eń jaqyn qashyqtyq – 362000 km jýyq. Sondyqtan bul kúni aı jaryq ári áldeqaıda úlken kórinedi.

Tolǵan aı kúzgi kún men túnniń teńelý kezeńine sáıkes kelgendikten, egin jınaý aıy dep atalady. Ejelden úlken Aı tabys ákeledi jáne kúzgi egin jınaýǵa paıdaly áser etedi dep eseptelgen.

Aıta ketetin nárse, 28 jáne 29 qyrkúıek túnderi úsh planeta erekshe jarqyraıdy – ıÝpıter, Satýrn jáne Merkýrıı. Astronomdardyń aıtýynsha, Merkýrıı óziniń «ádettegi» baǵytyna buryldy.

Tolǵan Aıdy qazan aıynyń basyna deıin taǵy birneshe kún baqylaýǵa bolady. Aıtpaqshy, dárigerler Aıdyń tolýy densaýlyqqa keri áserin tıgizetinin aıtady. Adamda túnde uıqynyń buzylýy, qan qysymynyń joǵarylaýy, alańdaýshylyq, bas aýrýy jáne basqa da jaǵymsyz belgiler bolýy múmkin. Sondyqtan taza aýada serýendep, ásirese keshke jatar aldynda shóp shaı iship, tabıǵı tynyshtandyratyn dáriler ishýge keńes beriledi.