Búgin aýyr atletıkadan álem chempıonatynda Qazaqstan qorjyny úsh medalmen tolyqty

<p><strong>ASTANA. KAZINFORM &ndash; Perý astanasy Lımada ótip jatqan aýyr atletıkadan jasóspirimder arasyndaǵy álem birinshiliginde úsh sportshymyz júldege ıe boldy.&nbsp;</strong></p>

Qazaqstan komandasynyń ókili Nurdos Sabyr 89 kelige deıingi salmaqta úzdik atandy. Ol qossaıys qorytyndysy boıynsha 333 (148+185) kelini eńserdi. Al, kúmis medaldi Valerık Movsesıan (Armenııa), qolany Bekzod Gofırjanov ıelendi. 

Aıta ketelik, byltyrǵy álem birinshiliginde Nurdos Sabyr ekinshi orynǵa turaqtaǵan edi.

Sondaı-aq qyzdar arasynda 76 kelige deıingi salmaqta baq synaǵan Aıanat Jumaǵalı álem chempıony boldy. Qossaıys qorytyndysy boıynsha 222 kelini baǵyndyrǵan Aıanat qarsylastarynan áldeqaıda jaqsy nátıje kórsetti. 

Kúmis medaldi fınlıandııalyq Mını Hormavırta (211 keli), qolany úndistandyq Sanjana (210 keli) ıelendi.

Sonymen qatar qyzdar arasynda 81 kelide baq synaǵan Sánııa Ormanbaeva eki saıys qorytyndysy boıynsha 201 kelini eńserip, qola júldege qol sozdy. 

Buǵan deıin Perýdegi álem chempıonatynda Aqjol Qurmanbek 67 kelige deıingi salmaqta kúmis medal jeńip alǵan bolatyn.