Búgin Astanada keıbir kóshelerde kólik qozǵalysy ýaqytsha shekteledi

<p>ASTANA. KAZINFORM - Astanada 28 sáýirde Birlik kúnin merekeleý aıasynda sportsúıer qaýym úshin eń iri jarystardyń biri &ndash; &laquo;Birlik júrisi&raquo; ótedi. Osyǵan baılanysty keıbir kóshelerde kólik qozǵalysyna ýaqytsha shekteý engiziledi, dep jazdy elorda ákimdiginiń resmı saıty.</p>

Jarysty Astana qalasynyń trıatlon federatsııasynyń qoldaýymen Qazaqstan halqy assambleıasy uıymdastyrady. Astana qalasynyń Trıatlon federatsııasynyń uıymdastyrý komıteti elorda turǵyndary men qonaqtaryn jarys ótetin oryndardaǵy joldardyń keıbir ýchaskelerinde qozǵalystyń ishinara jabylǵany týraly habardar etedi. 

Osyǵan baılanysty EKSPO mańyndaǵy Túrkistan kóshesiniń soltústik baǵytyndaǵy ýchaskede qozǵalys 27 sáýir saǵat 15:00-den 28 sáýir saǵat 15:00-ge deıin jabylady (bastapqy/aıaqtaý arkasyn montajdaý/bólshekteý).

Túrkistan kóshesi EKSPO ǵımaratynan Dostyq kóshesine deıin, Dostyq kóshesi Túrkistan kóshesinen Aqmeshit kóshesine deıin, Aqmeshit kóshesi Dostyq kóshesinen Túrkistan kóshesine deıin ońtústik baǵytta qozǵalys 28 sáýir saǵat 06:50-den 10:00-ge deıin jabylady.

Bul shekteýler jarysqa qatysýshylardyń qozǵalys ýaqytyn utymdy bólýdi eskere otyryp engizildi.