Búgin Astanada bos jumys oryndary jármeńkesi ótedi
07:29, 09 Qarasha 2023
<p>Astanada «Eńbek mobıldiligi ortalyǵy» KMM búgin, 9 qarashada saǵat 14.30-17.00 aralyǵynda «Jastar» saraıynda «Bos jumys oryndary jármeńkesin» ótkizedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap. </p>
Jármeńkede qala aýmaǵynda ornalasqan memlekettik mekemeler men kásiporyndardaǵy turaqty jáne ýaqytsha jumys oryndaryndaǵy bos jumys oryndary usynylady.
Jármeńkege qurylys, bilim, medıtsına, saýda, kólik-logıstıka, qarjy jáne t.b salalardaǵy jumys berýshiler qatysady. Bos jumys oryndary jármeńkesine «Otbasy bank» AQ, «Tsentr ıpotekı Astana» JShS, «QazaqZher» JShS, «Astana Tazalyq» JShS, «Bank TsentrKredıt» AQ Astana qalasyndaǵy fılıaly jáne basqa da kóptegen jumys berýshi kompanııalar qatysady.
Sondaı-aq is-shara aıasynda «Jastar praktıkasy», «Alǵashqy jumys», «Urpaqtar kelisimsharty» baǵdarlamalar kásiptik oqytý jáne «enbek.kz» portalymen jumys isteý boıynsha túsindirý jumysy júrgiziledi.