Búgin Astana-Temırtaý baǵytyndaǵy jol ashylýy múmkin

<p>Aýa raıy boljamy boıynsha, búgin, 31-shi jeltoqsanda saǵat 12:00-den bastap, &laquo;Astana-Temirtaý&raquo; ýchaskesinde qardyń jaýýy men jeldiń kúshi báseńsýi múmkin. Osyǵan qaraı jol jaqsy kórinip, kólikterdi ótkizýge múmkindik týyndaýy yqtımal.</p>

Bul týraly Kazinfrom Respýblıkalyq mańyzy bar avtomobıl joldarynyń ulttyq operatoryna silteme jasap habarlaıdy.

Osyǵan baılanysty 31 jeltoqsan kúni shamamen saǵat 12:00 kezinde joly qyzmeti men jergilikti polıtsııa ókilderiniń súıemeldeýimen kólikterdi ótkizý josparlanyp otyr.

Osy ýaqytta jol qozǵalysy qatysýshylarynyń qaýipsizdigin qamtamasyz etý maqsatynda joldardy tazartý jáne oǵan qajetti materıaldardy sebý jumystary jalǵasýda. Bul jumystarǵa 25 tehnıka men 40-tan astam jumysshy jumyldyralǵan.