Búgin «Astana» men «Ordabasy» eýrododadaǵy joryǵyn jalǵastyrady

<p>ASTANA. KAZINFORM &ndash; Búgin, 8 tamyzda qazaqstandyq klýbtar eýrokýbok oıyndaryndaǵy kezekti kezdesýin ótkizedi.&nbsp;</p>

Almatydaǵy Ortalyq stadıonda UEFA Konferentsııa lıgasynyń úshinshi irikteý kezeńi aıasynda shymkenttik «Ordabasy» men armenııalyq «Pıýnık» komandalary kezdesedi. 

Oıyn Astana ýaqytymen saǵat 20:00-de bastalady. Kezdesýdi Qazaqstan telearnasy tikeleı efırde kórsetedi.  

Sondaı-aq Sıbıýde (Rýmynııa) Konferentsııa lıgasy úshinshi irikteý kezeńiniń matchynda jergilikti «Korvınýl» men elordalyq «Astana» kim myqtyny anyqtaıdy. Mýnıtsıpal atyndaǵy stadıonda ótetin oıyn elorda ýaqytymen saǵat 00:00-de bastalady. Matchty Sport Plus Qazaqstan telearnasy kórsetedi. 

Eske salsaq, buǵan deıin elordalyq «Astana» komandasy Moldovanyń «Mılsamı» komandasyn eki oıyn qorytyndysy boıynsha  (1:0, 1:1) jarys jolynan shyǵarǵan bolatyn. Al, shymkenttik «Ordabasy» komandasy penaltıler serııasy arqyly «Dıfferdanj-03» klýbynan basym túsip, UEFA Konferentsııa lıgasynyń úshinshi satysyna joldama aldy. 

Ókinishke qaraı qostanaılyq «Tobyl» shveıtsarııalyq «Sankt-Gallen» klýbynan jeńilip, jarys jolynan shyǵyp qaldy.