Búgin alty qalada aýa sapasy nasharlaıdy

<p>ASTANA. KAZINFORM &mdash; &laquo;Qazgıdromet&raquo; RMK Qazaqstan qalalaryndaǵy aýa sapasyna boljamyn jarııalady.</p>

«Qazgıdromet» RMK baspasóz qyzmeti taratqan málimetke sensek, 28 qyrkúıek, juma kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Qostanaı, Óskemen, Semeı, Rıdder, Oral, Aqtóbe, túnde Atyraý qalalarynda aýanyń lastanýynyń qolaısyz meteorologııalyq jaǵdaılary kútiledi.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.