Búgin Almatyda aýa lastanady

<p>ASTANA. KAZINFORM — 8 maýsym kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady.</p>

«Qazgıdromet» RMK baspasóz qyzmeti taratqan málimetke sensek, 8 maýsym, senbi kúni elimizdegi qalalardyń basym kópshiliginde meteorologııalyq ahýal birqalypty bolady.

Tek Almaty qalasynda ǵana aýa sapasy birshama nasharlaıdy.

Qolaısyz meteorologııalyq jaǵdaı — atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.