Búgin – Ádilet organdary qyzmetkerleriniń kúni
1929 jyly qazaq revolıýtsııalyq komıtetiniń otyrysynda áskerı-revolıýtsııalyq komıtet múshesi Ahmet Baıtursynov baıandama jasap, onda Qazaq eliniń derbes ádilet organy qurylýy kerek degen bastama kótergen. Usynys qabyl alynyp, revolıýtsııalyq komıtet ádilet bólimin qurdy.
Qazaqstanda Ádilet organdary kúni aAlǵash ret Ádilet organdarynyń kúni 2012 jyly atalyp ótti.
Ádilet organdary – Ádilet mınıstrliginiń barlyq mekemeleri men vedomstvolarynyń jıyntyq ataýy. Tarıhy tereńde jatqan Ádilet organy 1919 jyly qurylyp, ózi ómir súrgen júzden asa jyl ishinde el ómirinde bolǵan asa eleýli tarıhı oqıǵalardyń bel ortasynda bolyp, saıası, quqyqtyq jáne áleýmettik-ekonomıkalyq ómirdegi kúrdeli ózgeristerge atsalysty. 1920 jyly Ádilet halyq komıssarıaty retinde qurylsa, 1946 jyly Ádilet mınıstrligi bolyp qaıta ataldy. Jalpylama aıtqanda, halyqqa zań qyzmetin usynyp, azamattardyń bostandyqtary men múddelerin qorǵaıtyn birden bir organ.
Elimiz táýelsizdik alǵannan soń Ádilet organdary úshin jańa kezeń bastaldy. Ádilet mınıstrligi jáne onyń organdary túbirimen ózgerip, jańa sıpatqa ıe boldy. Osylaısha, óziniń san qyrly qyzmetiniń arqasynda egemendi memlekettiń quqyqtyq saıasatyn júzege asyrý isine úles qosyp keledi. Baǵdarlanǵan mindetter negizinde elimizdiń ádilet organdary jańa kezeń talabyna oraı memlekettik quqyqtyq reformany qalyptastyryp, jumysyn damytyp keledi.
Bul mereke - Konstıtýtsııalyq memlekettiń tutastyǵyn qamtamasyz etip júrgen ádilet qyzmetkerleriniń basyn biriktiretin aıtýly kún.
Búginde elimizde halyqaralyq standarttardyń talaptaryna saı zańdy negiz qalanyp, ádilet organdarynyń quzyry keńeıtildi, jańa mindetter qoıyldy, ashyq rásimder negizinde ádilet qyzmetkerleriniń kásibı korpýsy jasaqtaldy.