Qazgıdromet aýasy lastanatyn 11 qalany atady

<p>ASTANA. KAZINFORM — «Qazgıdromet» RMK Qazaqstan qalalaryndaǵy aýa sapasyna qatysty boljamyn jarııalady.  </p>

— 2025 jylǵy 13 qańtarda Qostanaı, Qaraǵandy, Jezqazǵan, Balqash, Temirtaý, Óskemen, Semeı, Atyraý, Aqtóbe, Almaty, Astana qalalarynda aýanyń lastanýynyń qolaısyz meteorologııalyq jaǵdaılary kútilýde, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Eske sala keteıik, buǵan deıin elimizde aýa sapasy nasharlaǵan qalalar sany kúrt artqanyn jazdyq.