Búgin 10 respýblıkalyq arnanyń tikeleı efırinde jalpyulttyq telemarafon ótedi
Telemarafonnyń basty keıipkerleri — tabıǵı apat kezeńinde batyldyq tanytyp, óz ómiri men densaýlyǵyn qaýip-qaterge tige otyryp qyzmeti men azamattyq boryshyn abyroımen atqarǵan qazaqstandyqtar. Olardyń qatarynda qutqarýshylar, medıtsına qyzmetkerleri, áskerı qyzmetshiler, eriktiler, kásipkerler men syn saǵatta judyryqtaı jumylyp, yntymaq pen birliktiń úlgisin tanytqan el turǵyndary bar.
«Jibek Joly», «Qazaqstan», «Habar», «Eýrazııa», «KTK», «31 arna», «Atameken Business», «Astana TV», «7 arna» jáne «Almaty TV» telearnalarynyń 5 saǵattyq tikeleı efırinde tasqyn basqan aýmaqty kózben kórgen, tabıǵı apattan zardap shekken turǵyndardyń jan tebirenter oqıǵalary aıtylyp, tabıǵı apat aımaqtarynan reportajdar beriledi.
Sharanyń onlaın translıatsııasy Jibek Joly efırinde, sondaı-aq YouTube jelisinde jáne Kazinform agenttigi saıtynda júrgiziledi.