Búgin 1 qyrkúıek – Bilim kúni

<p>ASTANA. KAZINFORM &ndash; Elimizdiń barlyq óńirinde bilim berý uıymdary óz esigin aıqara ashty. Memleket bilim sapasyn arttyrý, balalardyń bilim alýy úshin jaıly orta qalyptastyrý baǵytynda júıeli jumystar júrgizip jatyr, dep habarlaıdy Oqý-aǵartý mınıstrligi.</p>

Osy qyrkúıek aıynan bastap mektepke deıingi uıymdarda ata-analarǵa arnalǵan 3,5 myń keńes berý pýnkti óz jumysyn bastaıdy. Kolledjderde oqıtyn 300 myńnan astam stýdenttiń shákirtaqysy 50%-ǵa artty. 1,7 mln oqýshy mektepterde tegin tamaqtanýmen qamtylady.

87 myń qazaqstandyq oqýshy oqý jylyn jańa mektepterde qarsy alyp jatyr. Jalpy 2024-2025 oqý jyly 536 myń oqýshy ornyna arnalǵan 302 mektep paıdalanýǵa beriledi dep josparlanyp otyr.

Oqý baǵdarlamasyna býllıngke qarsy is-sharalardyń biri – «Qaýipsizdik sabaǵy» engizilip jatyr. Munyń barlyǵy otandyq bilimniń sapasyn arttyrýǵa, balalar úshin jaıly ári qaýipsiz orta qurýǵa baǵyttalǵan.

Buǵan deıin jańa oqý jylynda qandaı ózgerister bolyp jatqanyn jazǵan bolatynbyz.