Búginnen bastap «Jańa túngi stýdııa» Nurlan Qoıanbaevpen» efırge shyǵady
Nurlan Qoıanbaevtyń avtorlyq baǵdarlamasy efırge «Jańa túngi stýdııada» ataýymen qaıta oralyp otyr.
Buǵan deıin túngi baǵdarlama Astana qalasynyń «Qazmedıa» ortalyǵynda túsirilgen bolsa, endi Almatyda jasalady. Naqty aıtqanda, túsirilim Almatydaǵy Qazaq teleradıo ortalyǵynyń apparat-stýdııa kesheninde júrgiziledi.
Baǵdarlamadaǵy taǵy bir jańalyq, onda endi úsh júrgizýshi bolady. Olar - belgili qazaqstandyq prodıýser, akter jáne telejúrgizýshi Nurlan Qoıanbaev, telejúrgizýshi, akter Dáýlet Bıjanov jáne aktrısa Saltanat Serkebaeva.
Sondaı-aq, baǵdarlamany Almatynyń jergilikti «Prime band» mýzykalyq toby áýenmen súıemeldeıdi.
«Túngi stýdııada Nurlan Qoıanbaev» baǵdarlamasy - «Late night show» formatyndaǵy shoý. Mundaı shoýlar alǵash ret 1960 jyldary AQSh-ta ashylǵan. Qazir ınternet, medıa qansha damysa da, mundaı shoýlardy áli kóp kórermen qyzyǵa tamashalaıdy. Onyń sebebi - ár zamannyń juldyzy, tanymal adamynyń osyndaı baǵdarlamaǵa kelip qatysýynda dep oılaımyn. Men Qazaqstanda túngi shoýǵa shaqyratyn qonaqtarymyz kóp ekenine qýandym. Bul elimizdiń, qoǵamymyzdyń myqty ekenin kórsetse kerek. Demek, menińshe bul formattaǵy jobalardyń Qazaqstanda bolashaǵy bar», - degen edi QazAqparat tilshisimen suhbatynda Nurlan Qoıanbaev.
Baǵdarlama «Jibek Joly» telearnasynan aptasyna 4 ret, túngi saǵat 22.30-da kórsetiledi.
Eń myqty night show avtory Nurlan Qoıanbaevpen birge bolyńyzdar! Arna 7 batyrmada.