Búginnen bastap polıtseıler jumysqa qabyldaný barysynda «shyndyq detektorynan» synnan ótedi
«Búgin «Quqyq qorǵaý organdary máseleleri boıynsha birqatar zańnamalyq aktilerge ózgertýler men tolyqtyrýlar engizý týraly» Zań kúshine endi. Onda qyzmetke qabyldaný, sonymen qatar attestattaý jáne qyzmettik tekserý barysynda «jalǵandyq detektorynan» mindetti ótý bekitilgen», - dedi ol.
Bas prokýrordyń atap ótýinshe, bul quqyq qorǵaý organdaryn reformalaý aıasynda júzege asyrylyp jatqan sharalardyń biri. Bolashaqta barlyq quqyq qorǵaý júıesin túbegeıli jańǵyrtý óz jalǵasyn tabatyn bolady,
«Qazirgi ýaqytta quqyq qorǵaý júıesin odan ári jańǵyrtý baǵdarlamasyn, sonymen qatar Kadr saıasaty tujyrymdasyn ázirleý aıaqtalýǵa jaqyn», - dedi A.Daýylbaev.
Onyń sózine qaraǵanda, tujyrymdamanyń basty aspektisi irikteýdiń, attestatsııalaýdyń jańa júıesi bolmaq. Laýazymdy qyzmet ıelenýde teń múmkindikter berý úshin barlyq bos oryndar men biliktilik talaptary barsha ashyq bolady. Buǵan qosa Bas prokýrordyń aıtýynsha, bekitilgen talaptarǵa sáıkes árbir qyzmetker óziniń deńgeıi jetetin laýazymdy qyzmetke kandıdatýrasyn usyna alady.