Búgingi taǵaıyndaý maǵan artylǵan úlken senim dep bilemin – Dáýren Abaev
«Qurmetti dostar! Barshańyzǵa lebiz-tilekterińiz úshin rızashylyǵymdy bildiremin. Elimizdiń aqparat salasyna jaýapty mınıstrlikke jetekshilik etken jyldary ózderińizben birge tabandy, jemisti eńbek ettik dep sanaımyn. Biz kótergen bastamalardy qoldap, árkez oı-pikirlerińiz ben syn-eskertpelerińizdi ashyq bildirip, qoǵam úshin mańyzdy máselelerge janashyrlyq tanytqandaryńyz úshin Sizderge zor alǵys aıtamyn. Qazirgideı kúrdeli ýaqytta qoǵamnyń tas-túıin aýyzbirligi men belsendi azamattyq ustanym aýadaı qajet», - dep jazdy ol.
Sondaı-aq D.Abaev QR Aqparat jáne qoǵamdyq damý mınıstrliginiń jáne mınıstrlikke qarasty uıymdardaǵy sarapshydan bastap basshylyq quramyna deıin árbir qyzmetkerine erekshe qurmet bildirip, alǵys aıtatynyn jetkizdi.
«Al búgingi taǵaıyndaý, eń aldymen, maǵan artylǵan úlken senim dep bilemin. Tapsyrylǵan qyzmetti abyroımen atqaryp, qajyr-qaırat pen bilim-biligimizdi Otanymyzdyń ıgiligine arnaımyz», - dedi ol.
Eske salaıyq, búgin Dáýren Abaev QR Prezıdenti Ákimshiligi Basshysynyń birinshi orynbasary bolyp taǵaıyndaldy.