Búgingi shara boıymyzǵa serpin, oıymyzǵa qozǵaý salyp, úlken jaýapkershilikti sezindirdi - «Jyldyń úzdik oqýshysy» baıqaýynyń jeńimpazy
Bul týraly búgin Almatyda tuńǵysh ret uıymdastyrylyp otyrǵan «Jyldyń úzdik oqýshysy» baıqaýynyń jeńimpazdaryn marapattaý rásimi kezinde aıtyldy.
«Búgin bizder, ıaǵnı Almaty qalasynyń oqýshylary úshin úlken mereke. Bul mereke QR Tuńǵysh Prezıdenti kúnine arnalýy bizdi qýanyshqa bólep, shattyqqa keneltip otyr. Boıymyzǵa serpin, oıymyzǵa qozǵaý salyp, úlken jaýapkershilikti sezindik. Elbasymyzdyń «elimizdiń bolashaǵy bilimdi urpaqtyń qolynda» degen ulaǵatty sózi árqashan bizdiń júregimizde», - dedi jyldyń úzdik oqýshylary atynan sóz alǵan № 159 gımnazııanyń 10-synyp oqýshysy Baǵdat Lesbaeva.
Almatyda buǵan deıin 2009 jyly respýblıkalyq jáne halyqaralyq olımpıadalardyń jeńimpazdaryna «Úrker» tósbelgisi taǵaıyndalǵan bolatyn. Oǵan alǵashqy jyly 78 oqýshy ıe bolǵan edi. Olardyń sany 5 jylda 5 ese ulǵaıyp, bıyl 322-ge jetip otyr. Endi onyń qatary «Jyldyń úzdik oqýshysy» baıqaýymen tolyqty. Bul mártebege bilim men ǵylym, shyǵarmashylyq pen óner salasynda jemisti jetistik kórsetken úzdikter ıe bolmaq.