ALMATY. QazAqparat – Qazaqstandyq tanymal ánshi Aıdar Turǵanbek eldegi saıası naýqannan tys qalmaı, daýys berýdi jón kóredi. Sondyqtan da Almatyda tirkelgen №208 referendým ýchaskesine keldi, dep habarlaıdy QazAqparat tilshisi.
«Jańa Qazaqstan, ádiletti Qazaqstan quramyz» deımiz. Ol úshin belsendi bolý kerek. Búgingi referendýmǵa qatysýdyń ózi sonyń bir kórinisi, bastamasy dep oılaımyn. Referendýmnan soń onyń jaqsy nátıjesin kórsek degen tilegim bar. Jalpy, meniń Qazaqstan azamaty retinde búgingi referendýmnan kúterim kóp», - dedi ánshi.
Aıta keteıik, buǵan deıin Qazaqstannyń halyq ártisi, kompozıtor, ánshi, Memlekettik syılyqtyń ıegeri Altynbek Qorazbaev Almatydaǵy №211 referendým ýchaskesine daýys berýge keldi.
Al, úıden daýys beretinderge referendým komıssııa músheleri shyqqanyn habarlaǵan edik.
Dýman Arǵyngeldi
2008 jyly Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin támamdaǵan. «Qazaqstan» ulttyq arnasynyń Almaty qalalyq fılıalynda, «Aıagóz jańalyqtary», «Almaty aqshamy» gazetterinde qyzmet atqardy. Maqalalary respýblıkalyq, oblystyq, aýdandyq gazet betterinde jarııalandy. 2021 jyldan beri «KAZINFORM» HAA-de jumys isteıdi.