Búginde Qazaqstan Respýblıkasynda ÝEO mártebesinde 69 zańdy tulǵa áreket etedi

ASTANA. QazAqparat - Búginde Qazaqstan Respýblıkasynda ýákiletti ekonomıkalyq operator (ÝEO) mártebesinde 69 zańdy tulǵa áreket etedi. Bul týraly búgin Astanada ótken «Jasyl dáliz» jobasyn damytýdyń bolashaǵy men «Beket» jedel-profılaktıkalyq is-sharasynyń qorytyndysy» atty konferentsııada QR Qarjy mınıstrligi Kedendik baqylaý komıtetiniń tóraǵasy Ǵosman Ámirın aıtty.

Onyń málimetinshe, 2013 jyldyń qarashasynda QHR-men shekaralas óńirlerge «Beket» jedel-profılaktıkalyq is-sharasy bastaldy. Osy is-sharanyń nátıjesinde birinshi ret QHR-dan ÝEO ákelgen taýarlar boıynsha bir kólik quralynan ortasha tólem 7,5 mln. teńgege deıin jetken.

«Osyǵan uqsas ÝEO mártebesi joq syrtqy ekonomıkalyq qyzmet boıynsha ortasha tólem somasy 2,3 mln. teńgeden 3,3 mln. teńgege deıin kóterildi. Sondaı-aq, búginde QHR-dan ákelingen taýarlardyń kóleminen 50 paıyzdan kóbi ÝEO-ǵa tıesili», - dep atap ótti Ǵ. Ámirın.

Onyń aıtýynsha, ÝEO-nyń tájirıbesin keńeıtý jáne «Jasyl dáliz» jobasyn paıdalaný arqasynda eki mańyzdy kórsetkishke qol jetkizilgen. «Birinshiden, kedendik ákimshilendirýdi jaqsartý, ekinshisi, bir kólik quralynan bıýdjetke túsetin túsimniń artýy», - deıdi komıtet tóraǵasy.

Ǵ. Ámirın atap ótkendeı, ÝEO-nyń kásibı naryqty uıymdastyrýǵa jáne halyqaralyq normalarǵa sáıkes mártebe men qyzmetin jetildirý maqsatynda «Jasyl dáliz» jobasynyń eki jyldyq tájirıbesi negizinde óz isine adal ýákiletti ekonomıkalyq operatorlardy irikteý júrgizilýde. Sondaı-aq, osy jolda Táýelsiz ÝEO qaýymdastyǵyn qurý da josparlanýda.