Búginde barlyq jastar uıymdaryn «qaıta júkteý» kerek - BǴM Jastar komıtetiniń tóraǵasy
Búgin Astanada ótken «Qazaqstandaǵy memlekettik jastar saıasatynyń damý bolashaǵy jáne qazirgi máseleleri» taqyrybynda ǵylymı-praktıkalyq konferentsııada QR Bilim jáne ǵylym mınıstrligi Jastar komıtetiniń tóraǵasy Ǵabıdolla Ospanqulov osylaı aıtty.
«Óıtkeni, sońǵy kezderi olar sylbyr jumys isteı bastady. Muny moıyndaý qajet. Sol uıymdar qazirgi jastardy barynsha uıymdastyra bilýleri kerek», - deıdi Ǵ.Ospanqulov. Onyń aıtýynsha, jaqyn arada mınıstrlik jastar uıymdaryn jınap, arnaıy keńes ótkizýdi kózdep otyr. Onda barlyq jastar uıymdarynyń jumysyn jandandyrý máselesi kóterilmek. «Bálkim, biz buryn jumys istegen jastardy qaıta tartarmyz. Sebebi, olardyń kezinde qazirgi uıymdar belsendi qyzmet etken. Ásirese, stýdentter arasyndaǵy jumysty kúsheıtý kerek. Osy oraıda Qazaqstannyń stýdentter alıansyn barynsha jandandyrǵan jón», - dep atap kórsetti komıtet basshysy.