Búginde árbir qazaqstandyq 11 lıtr taza spırt ishedi

ASTANA. 24 qazan. QazAqparat - Búgingi tańda árbir qazaqstandyq azamatqa 11 lıtr taza spırt keledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Densaýlyq saqtaý mınıstrliginiń Memlekettik sanıtarlyq-epıdemıologııalyq qadaǵalaý komıteti tóraǵasynyń orynbasary Nurqan Sádýaqasov málim etti.

«Bul - tym joǵary kórsetkish. Sebebi Dúnıe júzi densaýlyq saqtaý uıymynyń málimeti boıynsha onyń kólemi 8 lıtrden aspaýy tıis. Sonda ǵana ulttyń densaýlyǵy men bolashaǵyna qaýip tónbeıdi», - dep atap kórsetti N.Sádýaqasov. Aıta keteıik, búginde Qazaqstanda alkogol ónimderiniń zańsyz aınalymy da joǵary bolyp tur. Ol otandyq naryqtyń 25 paıyzyn alyp otyr. Damyǵan memleketterde bul kórsetkish 20 paıyz bolsa, AQSh pen Shveıtsarııada 8-10 paıyzdan aspaıdy.