Búginde adamnyń únemi Aıda bolýy týraly sóz qozǵalyp otyr - Reseı ǵarysh agenttigi

ASTANA. 2 qazan. QazAqparat - 2015 jyly - «Lýna Glob», al 2017 jyly «Lýna Resýrs» Reseı apparattarynyń ushyrylýy josparlanyp otyr.

Qonatyn orny Ońtústik polıýs aımaǵy bolmaq. Ǵalymdardyń málimetine súıensek, muzdyń eń kóp mólsheri sol jerde, dep habarlaıdy Reseı ǵarysh agenttiginiń baspasóz qyzmeti.

Búginde Aı aınalasyndaǵy dúrligý qaıta kúsheıip tur. Keıinnen ashylǵan jańalyqtar da qyzyqtyra tústi. Jaqynda ǵana amerıkandyq ǵarysh serigine ornalastyrylǵan LEND reseılik qurylǵysy Aıda sý bar ekenin kórsetken bolatyn.

Qazir kóptegen ǵarysh agenttikteri Aıdy qonystandyrý josparlaryn oılastyryp jatyr. Bul jýyqta Germanııada ótken áýe ǵaryshtyq kórmesinen erekshe baıqaldy. Jahandyq jylyný aıqyn belgi - adamzat úshin qosymsha basqa ǵalamshar qajet.

«Lýna-Glob» alǵashqy qurylǵysy 2015 jyly ushyrylady, - deıdi bas qurastyrýshynyń orynbasary - «S.A. Lavochkın atyndaǵy ǴÓB» FMÝK TKB basshysy Maksım Martynov, - ol kórsetýshi qurylǵy ǵana. Ol bizdiń Aıǵa qona alatyndyǵymyzdy, jeńil qoný tehnologııalaryn kórsetýi tıis. Jáne 2017 jyly onyń negizinde tolyq ólshemdi úlken qurylǵy jasalyp, úlken ǵylymı qurylǵylar keshenimen Aıǵa ushyrylady».

Búginde adamnyń únemi Aıda bolýy týraly sóz bolyp otyr. Alǵashqy qonystanýshylar ázirge avtomattar bolmaq. Keıinnen adam da qonystandyrylady. Sońǵy kezde kóp aıtylyp júrgen Aı qurylysy halyqaralyq bolýy ábden múmkin. Nemis áýe-ǵarysh ortalyǵynda qazirdiń ózinde reseılik aı baǵdarlamasyna qyzyǵýshylyq tanytty.

BNews.kz