Búgin VIII Astana ekonomıkalyq forýmy óz jumysyn bastaıdy
Forýmǵa shamamen 90 elden 3 myńǵa jýyq delegat keledi. Olardyń qatarynda 200-ge jýyq vıp-spıker, máselen premer-mınıstrler, parlament músheleri, qarjy ınstıtýttarynyń ókilderi, Nobel syılyǵynyń ıegerleri, halyqaralyq uıymdar basshylary jáne belgili ǵalymdar bolady.
22 mamyr kúni Elbasy Nursultan Nazarbaev VIII Astana ekonomıkalyq forýmynyń jumysyna qatysady. Forým «Infraqurylym: ekonomıkanyń ornyqty ósiminiń draıveri» taqyrybyna arnalmaq.
Sondaı-aq, forým aıasynda nebári eki kúnniń ishinde, ıaǵnı 21-22 mamyrda otyzǵa jýyq sessııa ótedi. Olardyń barlyǵy ekonomıkadaǵy áleýeti zor salalardyń biri - ınfraqurylymdy damytý taqyrybyna arnalady. Aıta keteıik, forýmdy uıymdastyrýǵa BUU, EQYU, BUU DB, Dúnıejúzilik bank sııaqty irgeli uıymdar atsalysyp otyr. Alqaly jıyn bıyl tuńǵysh ret "jasyl" ekonomıka elementteri boıynsha ótkiziledi. Qatysýshylarǵa taratylatyn materıaldardyń bir bóligi qaıta óńdeýden ótkizilgen ónimderden jasalǵan. Sonymen qatar, forým bıyl alǵash ret "aqyldy" navıgatsııa qoldaný arqyly uıymdastyrylady. ıAǵnı, jýyq arada qatysýshylarǵa arnalǵan uıaly telefonǵa ornatylatyn baǵdarlama jasalady. Sol arqyly mártebeli meımandar tek Táýelsizdik saraıynda ǵana emes, sonymen qatar Astanada da baǵyttaryn jańylmaı tabatyn bolady.
Sonymen birge, Astanadaǵy ekonomıkalyq forým - 2015 aıasynda ótetin «Jańa Jibek joly» IIІ Halyqaralyq kóliktik-logıstıkalyq bıznes-forýmyna ár túrli elderden 200-den astam temir jol ákimshilikteri ókilderi qatysady dep kútilýde.