Búgin - Uly Jeńis kúni!
Bul kúni Keńester Odaǵynyń halqy 1941-1945 jyldardaǵy Uly Otan soǵysynda jeńiske jetti.
Ekinshi dúnıejúzilik soǵysyna keıbir derekter boıynsha 400 myń, endi bir derekterde 1 mln. 200 myń adam qatysty delinedi. 600 myńnan astam qazaqstandyq nemese soǵysqa qatysqandardyń árbir tórtinshisi bul soǵystan oralmady. 503 qazaqstandyq jaýynger Keńes Odaǵynyń Batyry atansa, onyń ishinde 4-eýi: T.J.Bıgeldınov, L.I.Beda, I.F.Pavlov jáne S.D.Lýganskıı 2 márte Keńes Odaǵynyń Batyry ataǵyn aldy. 110 qazaqstandyq Dańq ordeniniń tolyq ıegeri boldy.
Budan bólek, búkil soǵysty basynan ótkergen qazaqstandyq 12 dıvızııa qurmetti ataqtar aldy. Olardyń beseýi - bir, tórteýi - eki, ekeýi úsh ordenmen marapattaldy. Bes dıvızııa gvardııalyq ataldy, olardyń ishinde Keńes Odaǵynyń Batyry I.V.Panfılov atyndaǵy ataqty 8-gvardııalyq dıvızııa bar. Reıhstagqa sheshýshi shabýylǵa shyqqan jáne Jeńis týyn tikkenderdiń ishinde qazaqstandyq R.Qoshqarbaev, kapıtan B.V.Chýpreta, mınometshi A.Baqtygereev, pýlemetshi P.E.Vıtsko, baılanysshy K.M.Volochaevtar boldy.
Sol jyldary Qazaqstan soǵystyń tyldaǵy arsenaly boldy. Nemiske atylǵan 10 oqtyń toǵyzy Qazaqstanda jasaldy.
Bıyl Uly Jeńiske 67 jyl tolyp otyr.